Ich bi es EIFACHS MEITSCHI wo BRUUNI AUGE hed, aber nid immer en ÄNGU isch. Ich wohne im ÄMMITAU und wenni ehrlich bi, mis LÄBÄ ISCH SCHÖN. Ich gange amigs ab und zue chli go TANZE, aber eigetli machi das nid gärn, will dert heds meischtens viel SCHÖNI MEITSCHI und das gid mier amigs vieli TRÄNE und de VERPISSE MICH. Wieso sell ich mich lah uslache lah? Schönheit kommt doch von innen…

Ich gange au gärn zu mim GROSSVATER ufe, wo 1912 uf dwält cho isch. Mis Grossi hed mier immer gseit, er sig gäng DR MAA wo ihre so fescht HÄRZCHLOPFE gäh heig wie suscht no niemer. Wenn ich de amigs bi ihm bi, de LUEGID mier VO BÄRG und gniessed dHöheluft. I de nöchi bi ihm wohnt au no de Stefan. Mier hend ihm immer GEISSEPETER gseit, schliessli hed er ganz vieli Geissli gha und isch mit dene und em GEMSCHELIBOCK uf em RÜTLI go graase.

Und jetzt fragsch du dich, Flöru, sicher wieso ich dier das schriebe… Es isch efiach so dasi I DÄM SUMMER mal mit em OUTO id MIGROS gfahre bi, schliessli gad mer als FÜDLIGWÖHNLICHE SCHWIIZER det oder im Coop go poschte. Woni dert grad so bim Tiefchüehler gsi bi –mier sind ebe dehei im Moment grad OHNI MILCH , drum hani müesse go Milch poschte– chund im RADIO es LIEBESLIED vo dier und ich han würkli grad SCHMÄTTERLING im Buuch becho. Ich han mier eifach nur no dänkt, egal wo du spielsch, in PARIS, in SAAS FEE oder EIGER, MÖNCH UND JUNGFRAU, ich mues dich gseh. Ich bi uf dini Homepage gange und han der es BILD vo dier gseh, wo mer dich no als SCHUEUBUEB gsehd und de isches grad ganz um mich gscheh.

Ich bi de ganz schnell zum Ticketcorner gange, wo ich den es Bilett für dis Konzert kauft han und ufem Heiwäg no BLUEME, wo ich dier de I ARM rüehre tue bim Konzert. Ich bi de vorem KKL gsi und han gwartet, HERRGOTT isch das lang gange bis die mich ineglah hend. Wie en WIND, wenn nid grad wie en Tornade sind mer inegströömt und sind üsi Plätz go bsetze. Es hed de ging echli ALKOHOL gha, aber ich han nüd gno. Wieso au? Schliessli hani groosi Hoffnige gha und wett nid alles am nöchschte Tag vergässä ha…. Wer weiss, villicht gits Backstage no en Party und ich hätt min erträumti ZUNGEKUSS vo dier becho, wenn nid grad no SEX. Aber du hesch mer de gseid: „PRETTY WOMEN, für dich gits höchschtens es GUETNACHTGSCHICHTLI und so bini de hei. Wieder als JULIA elei im Huus. Und S’TROIMLI vo mier, vo wäge das ich I DINE ÄRME ischlafe, isch nid erfüllt worde.Doch es isch nid so schlimm, denn schliessli hani am Konzert no de DANELI atroffä und er hed mier gseit, ich sig sini TROUMFROU. Bis jetzt bini zwar eher nur en TELEFONSCHATZ für ihn, aber das wird de scho no. Mit ihm bini immer irgendwie IM ALL und sueche dert de ORION. Ich fühl mich GRÄNZÄLOS und TOUCHE INE WOUCHE. Er isch DR CHLI PRINZ für mich und ich liebe ihn!